Tuttina sco en auters territoris perifers corrispunda il svilup demografic buca alla tendenza naziunala svizra. Per biaras vischnauncas dalla Surselva preves'ins tendenzialmein in regress dalla populaziun. Sper ils aspects dall'emigraziun ed ina immigraziun parziala (saldo da migraziun) ein relevantas pil svilup futur e las perspectivas economicas e sociologicas cunzun era las midadas dalla structura da vegliadetgna (quozient d'attempai resp. quozient da giuventegna).

Il svilup demografic el Grischun sedifferenziescha da regiun tier regiun ed ei sesviluppaus ils davos onns per part diametral. Gia il vargau ei il diember dalla populaziun stabla en Surselva sereducius.

Datas impurtontas dil cantun Grischun davart las cefras actualas dalla structura dalla populaziun

Communicaziun da medias dils 27 d'uost 2020 davart il svilup dalla populaziun el Grischun

Gl'Uffeci federal da statistica calculescha pils cantuns mintga tschun onns scenaris dalla populaziun che sebasan sils scenaris actuals dall'entira Svizra. Specificamein eis ei ina regiunalisaziun dils scenaris naziunals (resp. lur metodas e hipotesas). Gl'uffeci quenta treis differents scenaris.

Svilup futur dalla populaziun dil Grischun

Prognosas da datas ein impurtontas pil process da prender decisiuns en connex cun diversas damondas dalla politica e dalla planisaziun dil territori. En collaboraziun cun ulteriurs uffecis ha gl'Uffeci cantunal pil svilup dil territori schau elaborar ina perspectiva actuala dalla populaziun dil cantun Grischun, quella lubescha rispostas detagliadas tochen sil scalem dallas vischnauncas.

Perspectivas davart la populaziun dil Grischun 2019 - 2050 (tochen sin scalem vischnaunca)