Declaronza da num

Ina declaronza da num saveis Vus dar giu tier mintga uffeci da stadi civil svizer. Fixei persuenter in termin. Per dar giu la declaronza stueis vus cumparer persunalmein e seligitimar (pass, carta d'identitad). La taxa persuenter munta a frs. 75.00.

Els suandonts cass saveis Vus midar Vies num tras ina declaronza da num:

Suenter la dissoluziun dalla lètg ni dil partenadi registrau

La dissoluziun giudiziala dalla lètg (spartgida, annulaziun, declaronza da spariziun) ni dil partenadi registrau sco era la mort da Vies partenari ni da Vossa partenaria ha negina influenza sin Vies num da famiglia. Vus haveis denton da tut temps la pusseivladad da surprender Vies num da ledi.

Maridaglia avon igl 1. da schaner 2013

Sche Vus haveis midau Vies num da famiglia avon igl 1. da schaner 2013 tras maridaglia ed essas aunc adina maridai, saveis Vus da tut temps declarar tier igl uffeci da stadi civil, che Vus veglies puspei purtar Vies num da ledi.

La pagina d'internet digl uffeci da migraziun e dretg civil Grischun dat ulteriur sclariment en connex cun quei tema.