Program San Gottardo (PSG)

Il post da svilup regiunal Surselva ei in partenari activ dil Program San Gottardo (PSG). El sustegn in success d'iniziativas da project, da lantschar e realisar quellas el territori surregiunal dil Gottard. L'entira Surselva ei inclusa el territori da promoziun dil Program San Gottardo.

Il Program San Gottardo ei in project communabel dils cantuns Uri, Tessin e Graubünden e survescha sco instrument dil svilup regiunal el territori dil Gottard.

Culla finamira da sviluppar l'economia sebasa gl'accent central sils suandonts principis dalla NPR:

1. Trer a néz ils agens potenzials.
2. S'orientar all'innovaziun ed alla creaziun da valur.
3. Collaboraziun intercantunala e persistenza.

Il Program San Gottardo sustegn finanzialmein purtaders e purtadras da projects enten realisar lur finamira.

Ina survesta detagliada dallas pusseivladads da sustegn finanzial en connex cul Program San Gottardo porscha la pagina d'internet www.gottardo.ch

Per sclariments ei il Post da svilup economic Surselva adina a disposiziun.

Damondas telefonicas: 081 926 25 03
Damondas cun e-mail: celine@surselva.ch