Gl'avegnir dils territoris da muntogna discutesch'ins a moda controvers. Differents acturs han sviluppau differents studis e models. Quella part duei dar impuls da reflexiun, quei denton senza representar l'opiniun dalla Regiun Surselva.
Forum economic dil Grischun - cefras & fatgs dil Luvratori mental grischun
Las cefras davart las structuras economicas dil Grischun vegnan actualisadas cuntinuadamein. Ellas includan era il svilup turistic, demografic ed ulteriuras tematicas da stadi, economia e societad.
SECO - Retscherca representativa davart las perspectivas da svilup els territoris da muntogna
La populaziun svizra giavischa bunas perspectivas economicas pils territoris da muntogna
Ina maioritad dalla populaziun svizra s'exprima a favur da schanzas favureivlas da svilup per tuttas regiuns dalla Svizra ed explicit era pils territoris da muntogna. La Confederaziun duei metter a disposiziun per quei scopo, nua ch'ei fa senn ed ei necessari, mesiras da promoziun adattadas. Ina megliera purschida per famiglias e migliurs dalla tecnica stradala vesan las habitontas ed ils habitonts dils territoris muntagnards, sco era representantas e representats dalla politica ed economia, sco las duas prioritads centralas dalla politica dils territoris da muntogna dalla Confederaziun. A quella conclusiun vegn la retscherca representativa che gfs-zürich ha fatg per incumbensa dil Secretariat da stadi per l'economia (SECO).
Forum d'economia dil Grischun - "AlpTraum"
In'egliada egl avegnir - Resumaziun da visiun, strategias e pensums da casa per la politica grischuna
Cun sia iniziativa culla noziun sapientiva “Alptraum” cun senn dubel vul il Forum d'economia dil Grischun metter en discussiun visiuns futuras pil cantun Grischun sco part dil territori da muntogna dalla Svizra. Igl ei in territori d'agen caracter cun avantatgs e disavantatgs pil svilup economic e sociologic.
Nus pretendin buca che nus formuleschien ideas cumplettamein novas ed innovativas e che nus anflien sligiaziuns per tuttas sfidas. Nossa finamira eis ei plitost d'examinar la vastadad dallas ideas e dallas sligiaziuns existentas. Plinavon vulein nus cumprovar els secturs da coc las connexiuns centralas e las interdependenzas. Lu vai era da sclarir las pusseivladads d'agir ord vesta dalla politica dils loghens, respectiv da prender mesiras per las consequenzas perquei ch'ins ha buca observau e risguardau certas mesiras.
Avenir Suisse - sviluppar loghens per valladas centralas
Co il territori da muntogna sa rinforzar sesez - e co quei funcziuna buc
Ils spazis perifers el center dallas Alps san mo seschar stabilisar sch'ei gartegia da rinforzar las structuras dil centers dalla vallada e d'augmentar lur potenzials libers e nunduvrai. Las valladas centralas ston daventar schi attractivas sco loghens economics ch'ellas traian investiziuns, forzas la lavur e giuvnas famiglias d'ordeifer.
Avenir Suisse - ina strategia d'innovaziun pil Grischun
Dumignar la midada structurala ed anflar novas fontaunas per la creaziun da valur
Pertuccont la habilitad cumpetitiva, l'innovaziun ed il capital da forzas da lavur va ei buca bein cul Grischun. Novas structuras dueien dar niev slontsch al cantun. Per rinforzar la habilitad cumpetitiva, e per haver success cun anflar novas fontaunas per la creaziun da valur, eis ei impurtont da sviluppar vinavon il sistem regiunal innovativ.
Avenir Suisse - midada da structura el territori da muntogna svizzer
Strategias per anflar ed arver novas fontaunas per la creaziun da valur
Il territori da muntogna dalla Svizra ei sut squetsch economic. Cul turissem da muntogna e l'economia da baghegiar ein duas petgas purtontas dall'economia alpina ella crisa. Il niev studi dad Avenir Suisse muossa co ins sa rinforzar fontaunas existentas dalla creaziun da valur ed era activar novas. Leutier sto mintga regiun sviluppar sia strategia specifica e siu agen profil dil liug.